Татьяна Каримова Қашқадарёда Ўзбекистоннинг Биринчи Президенти Ислом Каримов ҳайкали пойига гул қўйди
Қарши шаҳрида "Ислом Каримов ўқишлари: Ўзбекистон мустақилликка эришиш йўлида: шарт-шароитлар, илк қадамлар ва ислоҳотлар" мавзусидаги илмий анжуман ўтказилмоқда. Бу ҳақда Қашқадарё вилояти ҳокимлиги матбуот хизмати хабар берди.
Қайд этилишича, Анжуманнинг илк кунида Ислом Каримов номидаги илмий-маърифий ёдгорлик мажмуаси Ҳомийлик кенгаши аъзоси Татьяна Каримова иштирокидаги меҳмонлар воҳанинг диққатга сазовор жойларида бўлишди. Бугунги анжуман Ўзбекистоннинг Биринчи Президенти Ислом Каримов ҳайкали пойига гул қўйишдан бошланди.
Шунингдек, вилоят ҳокимлигида Биринчи Президентимизнинг иш фаолияти ва хотирасига бағишланган фотокўргазма ҳам ташкил этилди.
Шундан сўнг, ялпи мажлис ва шўъбаларга бўлинган ҳолда Ислом Каримов фаолиятини ўрганишга доир анжуман ўз ишини бошлади.