Сув насосини ўзбошимчалик билан тармоққа улаган фермер хўжалиги тизимга 2,2 миллиард сўмлик зарар келтирди

“Ўзэнергоинспекция” ҳудудий бошқармаси томонидан тезкор назорат тадбирлари давом эттирилмоқда.

Галдаги тезкор тадбирда аниқланишича, Урганч туманида жойлашган "В.Б." фермер хўжалигига тегишли ер майдонларини суғоришга мўлжалланган сув насоси ўзбошимчалик билан тармоққа уланган ва электр энергиясидан ноқонуний фойдаланилган.

Ушбу қоидабузарликлар натижасида давлат манфаатларига 2,2 миллиард сўмлик зарар етказилган.

Мазкур ҳолат юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.