Сўнгги уч кунда Россиядан 800 дан ортиқ ўзбекистонлик юртимизга қайтарилди

Давлатимиз раҳбари кўрсатмасига мувофиқ хориждаги фуқароларимизни Ўзбекистонга олиб келиш учун 25 майдан 7 июнгача 17 та чартер рейсни амалга ошириш белгиланганди.

Бугунгача ушбу рейсларнинг учтаси амалга оширилди. Ушбу рейсларда Россия шаҳарлари – Екатеринбург, Москва ва Санкт-Петербургдаги 830 нафар Ўзбекистон фуқароси ортга қайтарилди.

Хориждан қайтган барча фуқаролар аэропортдан карантин марказларига юборилган.

Бугун, 28 май куни Тошкент – Ростов-Дон – Тошкент ҳамда Тошкент – Истанбул – Тошкент йўналишида чартер рейслари амалга оширилади.