Siemens AG компанияси Россияни тарк этишини маълум қилди

Siemens AG (Германия) концерни Украина инқирози туфайли Россиядаги бизнесини қисқартирмоқчи. Бу ҳақда “ТАСС” хабар тарқатмоқда.

Кенг тарқалган баёнотда Siemens AG концерни Россия бозоридан чиқиш жараёнини аллақачон бошлаганини айтади. Ушбу протседурани якунлашнинг аниқ саналари кўрсатилмаган.

Аввалроқ Siemens AG ўз маҳсулотларини Россия бозорига етказиб беришни тўхтатганини маълум қилганди, бироқ компания ўз фаолиятини фақат ҳозир тўхтатганини расман эълон қилди.

Айни пайтда компаниянинг Россиядаги ходимлари тахминан уч минг кишини ташкил қилади.