Шавкат Мирзиёев Сурхондарёнинг долзарб муаммоларини санади
Шавкат Мирзиёев айни дамда Сурхондарёда сайловчилар билан учрашмоқда.
У вилоятнинг долзарб муаммоларини санади:
- марказлашган тоза ичимлик суви таъминоти даражаси бўйича вилоят республикада энг охирги ўринларда туради.
144 та маҳаллага ичимлик суви ҳали умуман етиб бормаган.
- уй-жой, йўл-транспорт, электр таъминоти каби масалалар бўйича аҳолининг кўплаб эътирозлари мавжуд.
- 115 минг нафар аҳоли ишсиз. Ҳар йили меҳнат бозорига 39 минг нафар ёшлар кириб келмоқда,
- 131 минг оила доимий даромад манбаига эга эмас.
- 377 минг нафар аҳолида сурункали касалликлар бор.
Айниқса вилоятда юрак қон-томир, қандли диабет, буйрак етишмовчилиги, нафас йўллари касалликлари кўплаб учрайди.
- 2 минг 600 нафар шифокор етишмайди, яна 2 минг нафари пенсия ёшида.
- Бандихон, Денов ва Қумқўрғонда мактабгача таълим билан қамров даражаси 30 фоизга ҳам етмайди. Вилоятда 119 та маҳаллада ҳали боғча мавжуд эмас.
- 58 та мактаб қувватига нисбатан 2 баробар кўп юклама билан ишламоқда, 2 мингдан зиёд педагог иш жойлари вакант бўлиб қолмоқда.