Самолётда қўл багажини олиб кетиш қоидаларини биласизми?
“Uzbekistan Airways” авиакомпанияси қўл багажини олиб кетиш қоидаларини яна бир бор тушунтириб берди.
«Самолёт салонига ўзингиз билан бирга олишингиз мумкин бўлган қўл багажининг ўлчами узунасига 56 см, энига 45 см, баландлиги 25 сантиметрдан ошмаслиги керак. Ҳар бир жойнинг максимал ҳажми — 115 сантиметрдан катта бўлмаган уч ўлчов йиғиндисига тенг (ғилдиракчалар ва ён чўнтакларни ҳисобга олганда). Агар йўловчининг сумкаси биттадан ортиқ (жой) бўлса, уларни қабул қилишда битта багаж жойи сифатида ҳисобга олинади ва ушбу жойларнинг умумий ўлчамлари 115 сантиметрдан ортмаслиги керак.
Агар сиз учаётганда қўл багажи — ягона багаж бўлмаса, у вақтда самолётга ўзингиз билан олиб кетишга рухсат берилган фақат энг қимматли ва йўлда зарур бўладиган нарсаларни олиш лозим:
пул
банк карталари
ҳужжатлар
техника ва гажетлар (телефон, фотоаппарат, компьютер, планшет)
қимматбаҳо буюмлар
катта бўлмаган нозик буюмлар.
Қўл багажининг оғирлиги ва ўлчамлари қоидаларига риоя қилинмаса, биз сизни рўйхатдан ўтиш пештахтасига қайтиб бориб, уни рўйхатдан ўтган багаж сифатида расмийлаштиришингизни талаб қилишга мажбур бўламиз.
Сиздан шуни унутмаслигингизни сўраймиз: рўйхатдан ўтиш учун кетган вақтда 250 нафаргача одам самолётда учишни узоқроқ кутиб қолади. Биз ўз ишимизда нафақат хавфсизликни, балки аниқликни ҳам қадрлаймиз. Илтимос, самолёт сизни кутиб қолишига мажбур қилманг», — дейилади хабарда.
