РФ Марказий сайлов комиссияси Путинни президентлик сайловларида номзод сифатида рўйхатга олди
Россия Федерацияси Марказий сайлов комиссияси (МСК) амалдаги давлат раҳбари Владимир Путинни Россия президентлигига номзод сифатида рўйхатга олди.
Марказий сайлов комиссияси раҳбари Элла Памфилованинг сўзларига кўра, душанба куни бўлиб ўтган комиссия йиғилишида қарор бир овоздан қабул қилинган.
Путин бўлажак президентлик сайловларида рўйхатга олинган тўртинчи номзод бўлди.
Аввалроқ ЛДПР партияси етакчиси Леонид Слутский, Давлат думаси вице-спикери Владислав Даванков, шунингдек, Коммунистик партия фракциясидан Давлат думаси депутати Николай Харитонов рўйхатга олинган эди.
Россия президенти сайловлари 2024 йил 15-17 март кунлари бўлиб ўтади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
