Польшада вертолёт қулаб тушди: ҳалок бўлганлар бор

Польшада вертолётнинг қулаши оқибатида икки киши ҳалок бўлди.

Бу ҳақда “One” нашри хабар берди.

Қайд этилишича, ҳодиса 30 июнь, сешанба куни соат 20:30лар атрофида Польшанинг Қуйи Силезиядаги Стшегом шаҳри яқинида юз берган.

"Бу икки кишига мўлжалланган вертолёт бўлиб, номаълум сабабларга кўра ерга қулаб тушган. Бахтсиз ҳодиса натижасида ўрта ёшли икки киши вафот этган", дейди туман ёнғин ходими Шидловский воқеа жойига еттита ёнғин хизмати ходимлари юборилганлигини таъкидлар экан.

"Ёнғин содир бўлмади, аммо вертолётдан жуда катта ёқилғи оқиб чиқиши сабабли ҳудудни хавфсизлантиришга мажбур бўлдик", - дея қўшимча қилди Шидловский.