Украина Россияни Швейцариядаги “тинчлик саммити”га таклиф қилмоқчи эмас
![Украина Россияни Швейцариядаги “тинчлик саммити”га таклиф қилмоқчи эмас Украина Россияни Швейцариядаги “тинчлик саммити”га таклиф қилмоқчи эмас](/photos/news/CyIuFpjtV07Laev.jpeg)
Украина Россияни Швейцариядаги “тинчлик саммити”га таклиф қилмоқчи эмас.
Бу ҳақда Володимир Зеленский Reuters агентлигига берган интервьюсида айтиб ўтди.
“Россия томони ҳамма нарсага тўсқинлик қилади. Музокара олиб бориш ўрнига ултиматум қўяди, биз буни кўп марта гувоҳи бўлганмиз. Швейцариядаги саммитнинг кун тартиби Россия хоҳлагандай бўлиши керак эмас", — дея таъкидлади Украина президенти.
Зеленскийнинг таъкидлашича, бўлажак саммитдан мақсад бир неча асосий масалалар бўйича иштирокчи давлатларнинг умумий позициясини ишлаб чиқиш бўлади: ядровий хавфсизлик, Қора ва Азов денгизларида навигация хавфсизлиги, украиналик болаларнинг юртига қайтарилиши ва “ҳаммасига ҳаммаси” шаклида асирлар алмашинуви.
"Москва бу ҳақда келажакда воситачилар орқали хабардор қилинади ва музокараларнинг кейинги босқичларига жалб қилиниши мумкин", — дея қўшимча қилди Украина раҳбари.