Мексиканинг собиқ президенти пора олишда айбланди

Колумбиялик гиёҳванд моддалар сотувчиси Алекс Сифуентес Мексика собиқ президенти Энрике Пенья Ньетони наркобарон Эль Чаподан пора олганликда айблади.

Бу ҳақда Aristegui Noticias нашри хабар бермоқда.

Сифуентес Ню-Ёрк судида Эл Чапо иши жараёнида содир бўлган фитна ҳақида гапирди. Унинг сўзларига кўра, Эл Пачо Ньетога президент бўлишидан олдин 100 миллион доллар пора берган экан.

Қайд этилишича, Ньетонинг президентлик даврида наркобаронни икки маротаба қўлга олишган, якунда эса АҚШга экстрадитсия қилинган.