Литва Сейми россиялик ва беларусликларга кўчмас мулк сотиб олишни тақиқловчи қонун лойиҳасини маъқуллади
Литва парламенти биринчи ўқишда қонун лойиҳасини маъқуллади, унда ташқари, Россия Федерацияси ва Белоруссия фуқароларининг Литва фуқаролигига ўтиш тўғрисидаги аризалари қабул қилинмайди ва олдин берилган аризаларни кўриб чиқиш тўхтатилади.
Ўзгартиришлар муаллифлари, ички ишлар вазири Агне Билотайте ва Сеймнинг Миллий хавфсизлик ва мудофаа қўмитаси раиси Лауринас Кашюнас сўзларига кўра, "ушбу чекловчи чора Литва Республикаси фуқаролигини олиш имкониятини бекор қилишни эмас, фуқароликка қабул қилиш тўғрисидаги аризалар ва қарорларни қабул қилишни вақтинча тўхтатиб қўяди».
Қонун лойиҳасида Литванинг хориждаги виза хизматларида Россия Федерацияси ва Белоруссия фуқароларидан виза олиш ҳамда яшаш учун учун аризаларни қабул қилишни тўхтатиш (воситачи Литва Ташқи ишлар вазирлиги бўлган ҳоллар бундан мустасно), белгиланди. Истисно миллий ёки Шенген визаси эгалари, шунингдек, олдиндан яшаш учун рухсатнома ёки уни бериш тўғрисида қарорга эга бўлганлар учун қўлланилади.
Қонун лойиҳасида, шунингдек, Россия фуқароларининг Европа Иттифоқининг ташқи чегараси орқали Литва ҳудудига ўтиши «индивидуал қўшимча батафсил текширувдан ўтиши кераклиги» қайд этилган.
Бундан ташқари, биринчи ўқишда тасдиқланган тузатишлар россиялик жисмоний шахсларга, шунингдек, улар томонидан яратилган ёки назорат қилинадиган юридик шахсларга Литвада кўчмас мулк сотиб олишни тақиқлайди. Ўз мамлакатида таъқибга учраган яшаш учун рухсатнома эгалари учун истисно қилинган.
Шунингдек, тузатишлар Россия ва Белоруссия билан иқтисодий алоқаларни давом эттирувчи литвалик сиёсатчиларга алоқадор компаниялар ҳақидаги маълумотларни чоп этишни назарда тутади.
Қонун лойиҳасини биринчи ўқишда қабул қилиш учун 113 депутат овоз берди, 9 нафари бетараф қолди, бирорта ҳам депутат қарши овоз бермади.
Қонун лойиҳаси ҳали иккинчи ўқишдан ўтиши керак.
Литва Россия Федерацияси ва Беларус фуқароларига визалар беришни Россия қўшинларининг Украинага кенг кўламли бостириб кириши бошланганидан бир неча кун ўтиб тўхтатиб қўйди. Гуманитар визалар бундан мустасно.
