Кейн "Манчестер Сити"га ўтиш учун бойкот эълон қилмоқчи

"Тоттенхэм" ҳужумчиси Харри Кейн ёзда "Манчестер Сити"га ўтмоқчи. Бироқ, "шпорлар" раҳбарияти ўзларининг энг яхши тўпурарини қўйиб юборишни истамаяпти. Британия матбуоти хабарига кўра, футболчи кескин чоралар кўришга тайёр.

Лондон клуби хўжайинлари уни охир-оқибат "Ман. Сити"га сотиб юбориши учун Кейн машғулотларни ўтказиб юбормоқчи. Футболчи бойкот қилганлиги учун мумкин бўлган молиявий санкциялардан қўрқмайди.

Олдинроқ "Тоттенхэм" бош мураббийи Нуно Санто Кейн билан кейинги ҳамкорлик тўғрисида ноаниқлик билдирганди.