Эрон Хитойга йирик нефть экспортини давом эттирмоқда

16 миллион тонна Эрон нефтини олиб кетаётган танкерлар айни дамда Хитойга йўл олмоқда. Кемалар Жанубий Хитой денгизида Риау архипелаги яқинида олинган сунъий йўлдош фотосуратларида кўрилган.

Эрон нефти экспорти 2024 йилнинг дастлабки уч ойи давомида кунига 1,56 миллион баррелни ташкил этиб, олти йиллик энг юқори кўрсаткичга етгани ҳақида аввал хабар берилган эди. Мутахассисларнинг фикрича, бу Ғарб санкцияларини четлаб ўтиш учун кучайтирилган схема натижаси бўлган.

Айрим хабарларга кўра, Қўшма Штатлар Эрон нефтининг ўсиб бораётган савдосига қарши курашишга шошилмаяпти. Байден маъмурияти глобал энергетика бозорининг беқарорлашишидан қўрқади ва ҳали ҳам Теҳрон билан ядро дастури бўйича келишувга эришишга умид қилмоқда.