Керчида содир бўлган даҳшатли воқеада ҳалок бўлган қизнинг бўлажак турмуш ўртоғи ўз жонига қасд қилди
Керчида истиқомат қилувчи 20 яшар Армен Бадалян 19 октябрь куни ўз уйининг деразаси тагидан топилган.
Аниқланишича, Бадалян жиноятчи Владислав Росляковнинг қурбонларидан бири бўлган Виктория Демчук билан учрашиб юрган. Дастлаб, қиз яраланганлар рўйхатида бўлган, шифокорлар уни қутқаришга ҳаракат қилишган, ҳатто Москвага жўнатишга ҳам тайёр туришган. Аммо ўлим ҳақ деганларидек, қизни сақлаб қолишнинг имкони бўлмаган. Шундан сўнг Армен ўзини ўлдиришга қарор қилган.
«Маш»нинг хабар беришича, асфальтдан топилган йигитнинг бир неча жойлари қаттиқ синган бўлишига қарамасдан омон қолган.
Фожиа содир бўлишидан олдин ошиқ Фейсбукдаги саҳифасига «Мен сени севаман. Бир умрга бирга», деган сўзларни ёзиб қолдирган.
Маълум қилинишича, ҳозирда боланинг аҳволи жуда оғир.
