Карло Анчелотти: «Винисиус шундай ўйнаганда, жаҳоннинг энг яхши футболчисига айланади»
"Реал" бош мураббийи Карло Анчелотти «Жирона»га қарши ўйиндан кейин фикр билдирар экан, ҳужумчи Винисиус Жуниорни мақтади.
«Винисиус Жуниор ажойиб ўйин ўтказди. У шундай савияда ва мана шундай жонбозлик билан ўйнар экан, жамоамиз учун жуда муҳим футболчига айланди.
Винисиус шундай ўйнаганда, жаҳоннинг энг яхши футболчисига айланади. Беллингем – иккинчи, Родриго – учинчи, Кроос – тўртинчи, Камавинга, Вальверде... Бугун захира ўриндиғида ўзимни жуда хотиржам ҳис қилдим», – деди «Реал» устози.
Шунингдек, италиялик мутахассис Килиан Мбаппе ҳақидага саволга қуйидагича жавоб берди:
«Жамоамиздаги ҳар футболчи — энг яхшиси. Сиз эса бошқа жамоа футболчисини тилга олдингиз», – деди Анчелотти.
Матнда хатолик топсангиз, ўша хатони белгилаб, бизга жўнатинг (Ctrl + Enter).
