Карантиндан воз кечган Швеция энди COVID-19га қарши қўшимча чоралар жорий этмоқчи

Швеция ҳукумати Стокгольмда эпидемиологик вазият ёмонлашгани сабабли қўшимча чекловлар жорий этишни режалаштирмоқда.

Bloomberg маълумотларига кўра, сўнгги бир неча ҳафта ичида мамлакат пойтахтида яшовчи барча ёш гуруҳларида юқумли касалликка чалиниш ҳолати сезиларли даражада кўпайган.

Шу боис ҳам ҳукумат инфекция тарқалишини секинлаштириш учун карантин чораларини жорий этиш имкониятини муҳокама қилмоқда.

Аввалроқ, Швеция иқтисодиётга зарар етказмаслик учун карантиндан воз кечган эди. Шу фонда швед компаниялари иккинчи чоракда бозор кутганидан ҳам сезиларли даражада ошган даромадларни намойиш этишди.

Аммо шунинг билан бирга, юқумли касалликдан ўлим даражаси Европа ҳудудининг бошқа мамлакатларига нисбатан юқори кўрсаткични қайд этди.