Карантин: битта дўконга 11 марта борган кампир жазоланди

Италиянинг La Repubblica газетаси хабарига кўра, Италиянинг шимолий-шарқидаги кекса бир аёл қаттиқ карантин пайтида 11 марта озиқ-овқат дўконига борган ва унга жарима солинган. Ҳодиса шанба куни Италиянинг шимолий-шарқидаги Фриули-Венеция-Жулия вилоятидаги Градо кичик шаҳарчасида юз берди, деб хабар беради маҳаллий "Il Piccolo" нашри.

Таъкидланишича, италиялик кекса аёлни кўчада полиция кузатиб қўйган. У яна бир бор харид қилиш учун борганида, ҳуқуқ-тартибот идоралари ходимлари уни уйда қолишга ундашди, аммо бу иш бермади. Италиялик аёл ўн биринчи марта озиқ-овқат дўконига чиққанида, полициячилар унга 280 евро миқдорида жарима солишди. Бундан ташқари, нашрга кўра, агар аёл 30 кун ичида уни тўламаса, жарима миқдори 400 еврога ошади.