Карантин: 77 ёшли миллиардер кимсасиз оролга қочди

Америкалик продюсер ва миллиардер Девид Геффен ҳашаматли яхтада ўзини изоляция қилгани билан мақтанди. У суратини инстаграмига жойлади. Бу сурат эса кейинроқ твиттерда пайдо бўлди.

77 ёшли Геффен ижтимоий тармоқларда дунёдаги энг катта хусусий яхтада турган фотосуратини жойлаштирди. "Гренадин оролида ёлғиз. Умид қиламанки, барчаси хавфсиз”, деб изоҳ ёзди у.

Шарҳларда уни коронавирус пандемияси пайтидаги ўринсиз мақтанчоқлик туфайли танқид қилишди. "Фақат Девид Геффен бизга қўл силтаб қўйди", "Охир-оқибат, қароқчилар энди унинг қаердалигини билишади", "Бойларнинг алоҳида имтиёзлари", қабилидаги фикрлар билдирилди.