Мутахассис АҚШдаги инфляция туфайли олтиннинг рекорд баҳосини башорат қилди

Вектор Икс инвестиция компанияси бош стратеги Максим Худаловнинг РИА Новостига айтишича, АҚШда инфляциянинг давом этиши йил охиригача олтин нархини янги тарихий рекордларга олиб келиши мумкин.

«Кўп манбалар АҚШда инфляциянинг ўсишда давом этиши мумкинлигини кўрсатмоқда, бу эса жорий йил давомида сариқ метал учун янги нарх рекордларига олиб келиши мумкин», деди у.

Экспертнинг қўшимча қилишича, ҳозирда доллар курсининг мустаҳкамланиши ҳисобига олтин нархида рекорд даражадаги коррекция кузатилмоқда.

Унинг сўзларига кўра, металлнинг нархи ҳатто энг қиммат кончиларнинг нархидан сезиларли даражада узоқлашди. Бу ишлаб чиқарувчиларга энг паст навли рудаларни қазиб олиш имконини беради ва шу билан металл етказиб беришни оширади.

8 апрель куни олтин нархи жаҳон бозорларида жадал ўсишда давом этиб, яна бир юқори даражага кўтарилаётгани хабар қилинганди .