Газ иттифоқи Россия Қозоғистон орқали санкцияларни четлаб ўта олади дегани эмас

Қозоғистон ташқи ишлар вазири ўринбосари Роман Василенконинг айтишича, уч томонлама газ иттифоқи Россияга санкцияларни четлаб ўтиш имкониятини бермайди.

Роман Василенко Қозоғистоннинг позицияси ўзгаришсиз қолиши ва мамлакат ўз ҳудудидан санкцияларни четлаб ўтиш учун фойдаланишга йўл қўймаслигини таъкидлади. Украинадаги урушнинг бошиданоқ комиссия тузилди, унинг мақсади Қозоғистон иқтисодиётига салбий таъсир кўрсатишнинг олдини олишдир.

Унинг қайд этишича, Қозоғистон санкцияларни халқаро муаммоларни ҳал қилишнинг мақбул усули деб ҳисобламайди.