Фуад Шукурнинг ўлдирилишига жавоб бўлган зарбаларда 320 та ракета отилди
Ливандаги Ҳизбуллоҳ ҳаракати Исроилга қарши жавоб зарбаларининг биринчи босқичини якунлаб, 320 та ракета отган.
Ҳизбуллоҳга кўра, зарбалар Байрутдаги ҳаракат қўмондонларидан бири Фуад Шукурнинг ўлдирилишига жавоб бўлган.
Учувчисиз ҳаво воситалари Исроил ҳарбий казармалари ва иншоотларига ҳужум қилди, Желил ва босиб олинган Голан тепаликларидаги казармаларга 320 та Катюша ракетаси тушди.
Ҳизбуллоҳ операциянинг бошқа тафсилотларини кейинроқ эълон қилишга ваъда берди.
Аввалроқ Исроил Ливанга ҳужумлар бошланганини, Ҳизбуллоҳ эса Фуад Шукурнинг ўлдирилишига жавобан ўч олиш операциясини эълон қилган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
