Европа Иттифоқи санкциялари Словакияга 3,9 миллиард доллардан кўпроқ зарар келтирди
Словакия 2022 йилдан буён Европа Иттифоқининг Россияга қарши санкциялари туфайли 3,9 миллиард доллардан кўпроқ зарар кўрди, бу эса мамлакат иқтисодиётига салбий таъсир кўрсатди. Бу ҳақда Россия Федерациясининг Братиславадаги савдо вакили Сергей Ступар «Известия » нашрига берган интервьюсида маълум қилди .
Унинг таъкидлашича, 2018–2021 йилларда Словакиянинг Россияга экспорти йилига қарийб 2 миллиард долларни ташкил этган. Бироқ 2022 йилда у 670 миллион долларга, 2023 йилда 400 миллион долларга тушиб кетган, жорий йилнинг олти ойида эса атиги 117 миллион долларни ташкил қилган.
«Словакияга тўғридан-тўғри йўқотишлар камида 3,9 миллиард долларни ташкил этди», деди Ступар ва энг катта зарарни Россия хомашёси ва транзитига қарам бўлган компаниялар кўрганини таъкидлади.
