Колумбия президенти мамлакатда давлат тўнтаришига тайёргарлик кўрилаётганини айтди

Колумбия президенти Густаво Петро мамлакатда уни ўлдириш ёки лавозимидан четлаштириш мақсадида давлат тўнтариши тайёрланаётганини айтди.

Буйруқ аллақачон берилган: яқин уч ой ичида президентни ўлдиринг ёки уни ағдаринг, деди президент Қуиндио департаментида бўлиб ўтаётган муқобил оммавий ахборот воситаларининг миллий йиғилишида.
Президентнинг қўшимча қилишича, бу «Колумбия услубидаги давлат тўнтариши», чунки улар «конституция президентни ҳар қандай маъмурий орган томонидан уни қоралаш уринишларидан тўлиқ ҳимоя қилган» бўлишига қарамай, уни ағдаришга уринмоқда.