Финляндия ташқи ишлар вазири Хаависто НАТОга ариза Швеция билан бирга топширилишини айтди

Финляндия ташқи ишлар вазири Пекка Хаависто Швеция билан НАТОга аъзолик аризалари бўйича фикр алмашишини маълум қилди.

“Биз умумий чизиққа амал қилишимизни билдирдик, давлатлар биргаликда мурожаат қилади... “B” режаси йўқ, бу йўл кўриб чиқилмаяпти”, — деди у швед ҳамкасби билан музокаралардан сўнг. Унинг сўзларини РИА Новости келтирмоқда.

Аввалроқ Хаависто Анқара ва Стокгольм ўртасида юзага келган келишмовчиликлар туфайли Финляндия ва Швециянинг НАТОга аъзо бўлиш бўйича қўшма аризасини ажратиш имкониятини тан олган эди.