Филиппинда карантин тартибини бузган эркак отиб ўлдирилди
Филиппин полицияси карантин қоидаларини бузган ва маҳаллий раҳбариятнинг қонуний талабларига бўйсунмаган фуқарони отиб ўлдирди.
Хабарга кўра, 63 ёшли эркак ниқоб тақмаганлиги учун отиб ўлдирилган. Бу мамлакат президенти Дутерте карантин қоидаларини бузганлик учун отиб ўлдириш ҳақидаги қарорини қабул қилгандан кейинги илк ҳолатдир.
Маҳаллий полиция тарқатган хабарга кўра, Агусан-дел-Норте провинциясининг Насипит шаҳри яқинидаги қишлоқда яшаб келган бу шахс спиртли ичимлик таъсирида бўлган ва маҳаллий раҳбарият талабига бўйсунмай уларга пичоқ ҳам ўқталган.
“Унга қишлоқ врачлик пункти ходимлари ниқоб тақиши ҳақида огоҳлантирган. Аммо у ғазабланиб, атрофдагиларни ҳақоратлаган ва пичоқ билан тан жароҳати етказишга уринган”, - дейилади маҳаллий полиция хабарида.
Мамлакат президенти Роберто Дутерте ўтган ҳафтада карантин қоидаларини бузган ва бу масалада полицияга буйсунмаган ҳар қандай фуқарони отиб ўлдиришга буйруқ берган эди.
Эслатиб ўтамиз, айни вақтда Филиппинда коронавирус билан боғлиқ 3246 та ҳолат аниқланган. Улардан 152 нафари вафот этган.
