ЕИ “Спутник V” вакцинасини рўйхатдан ўтказиш аризасини қабул қилди
Россия тўғридан-тўғри инвестициялар жамғармаси (РФПИ) Европа Иттифоқида “Спутник V” вакцинасини рўйхатдан ўтказиш тўғридаси ариза берди. Брюсселда уни қабул қилишди. Бу ҳақда жамғарма матбуот хизмати Sputnik нашрига маълум қилди.
19 январь куни Европа дори воситалари агентлиги (ЕМА) "Спутник V” вакцинаси яратувчилари билан илмий маслаҳатлашувлар ўтказган. Шундан сўнг ЕИга вакцинани рўйхатдан ўтказиш учун ариза топшириш мумкин бўлган. Ариза 29 январь куни топширилган.
“Жамғарма Европа дори воситалари агентлиги (ЕМА)нинг ариза қабул қилингани тўғрисидаги расмий тасдиғига эга. Аризанинг маъқуллаш тезлиги EMA томонидан белгиланади”, - дейилган хабарда.
Гамалея номидаги марказ томонидан Россия тўғридан-тўғри инвестициялар жамғармаси кўмагида ишлаб чиқарилган "Спутник V" вакцинаси коронавирусга қарши рўйхатга олинган биринчи вакцинадир: Россия Соғлиқни сақлаш вазирлиги 2020 йилнинг августида бу жараённи амалга оширган.
Обрўли тиббиёт журнал ҳисобланган “The Lancet” бир неча кун аввал "Спутник V" учинчи босқич тадқиқотлари натижаларини эълон қилди. Препарат юқори самарадорлик, иммуногенлик, хавфсизлик самарадорни намойиш этди.
“Bloomberg” агентлиги мақола чоп қилингандан сўнг кўплаб мамлакатлар “Спутник V” вакцинасини харид истагида навбатга туришгани ва “Спутник V” вакцинасини Россиянинг СССР давридан буён энг йирик илмий ютуғи экани ҳақида ёзди.
