Дана Уайт UFC президентлигидан кетдими?

Спорт
A A A
Дана Уайт UFC президентлигидан кетдими?

Дунёнинг энг кучли ММА лигасида катта ўзгаришлар рўй берганидан хабарингиз бор.

Бундан беш ой олдин UFC промоушенига эгалик қилувчи Endeavor инвестицион гуруҳи WWE рестлер лигасини ҳам сотиб олганди. Ушбу икки бирлашган компания Нью-Йорк фонд биржасида тақдим этилди ва ўша ондан бошлаб Дана Уайт энди UFC президенти эмас. У бошқарув кенгаши томонидан промоушеннинг бош директори лавозимига тасдиқланди.

"Келажагимиздан ҳайратдаман. Биз амалга оширмоқчи бўлган ишлардан сиз ҳам ҳайратга тушасиз. Икки промоушен бирлашганидан сўнг биз янада катта кучга эга бўлдик. Мен ҳамон UFC`даги жараённи назорат қиламан, бошқараман. Бу борада ҳеч нарса ўзгаргани йўқ. UFC янги босқичга кўтарилади.", - деди Уайт Лас-Вегасда ўтган матбуот анжуманида.

Бирлашган компания 21.4 миллиард долларга баҳоланяпти. Шундан 12.1 миллиарди UFC, қолган 9.3 миллиард доллари WWE улушига тўғри келмоқда.

Киритилди: 22:20 15.09.2023. Ўқилди: 1123 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!