Чеченистонликлар алкогол сотиб олиш ёшини ўзгартиришмоқчи
Россия конституциясига ўзгартириш киритиш жараёнида Чеченистоннинг жамоатчилик палатаси алкогол харид қилиш ёшини 18 ёшдан 21 ёшга ўзшартиришни таклиф қилди. Бу ҳақда Islam-today хабар бермоқда.
“Биз конституцияга Россия президенти томонидан таклиф этилган ўзгаришлар киритилишини қўллаб-қувватлаймиз. Қўшимча ўзгартириш сифатида алкогол сотиб олиш ёшини 21 ёш этиб белгилаш таклиф этилди”, – Чеченистоннинг жамоатчилик палатаси раҳбари Исмоил Денилхонов.
Эслатиб ўтамиз, 23 январь куни президент Владимир Путин томонидан таклиф этилган, конституцияга ўзгартириш киритиш бўйича қонун лойиҳаси Давлат думаси биринчи ўқишдаёқ бир овоздан тасдиқланди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
