БМТ: Европада 4 миллион 823 мингга яқин украиналик қочқин қолмоқда
Ҳозирда Европада 4 миллион 823 мингга яқин украиналик қочқин қолган.
Бу ҳақда Бирлашган Миллатлар Ташкилотининг Қочқинлар бўйича Олий комиссари бошқармаси маълум қилди.
Қайд этилишича, январь ойида Европа мамлакатларида расмий ҳимоя олган (ёки унга мурожаат қилган) украиналиклар сони 5 миллионга яқинлашган, кейин эса ой охирида уларнинг сони бироз қисқарган. Бу Германиядаги расмий қочқинлар сонининг бирданига 140 мингдан ортиқ кишига қисқариши туфайли юз берди.
Ҳозирда вақтинчалик ҳимоя мақомига эга бўлган қочқинларнинг аксарияти Польшада – 1 миллион 563 минг.Иккинчи ўринда Германия – 881 минг, учинчи ўринда – 485 минг қочқин билан Чехия.
Матнда хатолик топсангиз, ўша хатони белгилаб, бизга жўнатинг (Ctrl + Enter).
