Байрам кунлари валюта айирбошлаш шохобчалари ишлаб туради

Жорий йилнинг 18-22 март кунлари аҳолига валюта операцияларини амалга оширишда қўшимча қулайликлар яратиш мақсадида тижорат банкларининг валюта айирбошлаш ва халқаро пул ўтказмалари шохобчалари фаолият кўрсатади.

Бу ҳақда Марказий банк матбуот хизмати хабар берди.

Шу билан бирга, куннинг исталган вақтида чет эл валютасини айирбошлаш имконини берадиган «24/7» режимида ишловчи автоматлаштирилган валюта айирбошлаш банкоматлари ўрнатилган.

Бундан ташқари, жисмоний шахслар банк биносига ташриф буюрмаган ҳолда куннинг исталган вақтида тижорат банкларининг мобил иловалари орқали банк карталаридан фойдаланиб, масофадан валюта айирбошлаш операциясини амалга ошириш имкониятидан ҳам фойдаланишингиз мумкин.

Банклар рўйхати ушбу ҳаволада келтирилган