Байден Сенатнинг Финляндия ва Швециянинг НАТОга кириши ҳақидаги қарорини олқишлади

АҚШ президенти Жо Байден НАТОнинг кенгайиши учун зарур бўлган ҳужжатларни имзолашга ваъда берди ва Сенатнинг Финляндия ва Швецияни иттифоққа қўшилиш қарорини олқишлади.

"Мен қўшилиш протоколларини имзолашни интиқлик билан кутаман ҳамда Швеция ва Финляндияни тарихдаги энг катта мудофаа иттифоқи сафида бўлишидан табриклайман", - дейилади Оқ уй баёнотида.

Байденнинг таъкидлашича, АҚШ Швеция ва Финляндия хавфсизлигига содиқ қолади ва "қўшма хавфсизликка ҳар қандай таҳдидга қарши" биргаликда ҳушёр бўлишда давом этади.

АҚШ Сенати аввалроқ Финляндия ва Швециянинг НАТОга қўшилиши ҳақидаги протоколларни ратификация қилиш тўғрисидаги резолюцияни қабул қилиш учун овоз берди.