Авиаҳалокатнинг барча қурбонлари шахси аниқланди

Суд тиббиёт экспертизаси вакиллари Кубада ҳалокатгга учраган Boeing 737-200 самолёти қурбонлари жасадини текширув ишларини якунлади. Бу ҳақда Cibercuba портали мамлакат суд тиббиёти Институти вакилларига таяниб, хабар бермоқда. 

Boeing 737-200 самолёти 18 май куни Гавана – Ольгин йўналиши бўйича парвозни амалга ошираётиб, ҳалокатга учраган. Самолётда экипаж билан бирга 113 киши бор эди, уларнинг 112 нафари ҳалок бўлди. Ҳозирга қадар ҳаёт бўлган сўнгги йўловчининг аҳволи жиддий эканлиги айтилмоқда. Аввалроқ уч кишининг тирик қолгани айтилганди. Улардан икки нафари кейинроқ шифохонада ҳалок бўлган. 

Ҳалокатга учраган Boeing 737-200 Damojh компаниясига тегишли бўлиб, бир ойча аввал лайнерни экипажи билан бирга Cubana de Aviacion компаниясига ижарага берган эди. Мексика Фуқаро авиацияси бош бошқармаси текширувлар якунлангунга қадар Damojh авиакомпаниясининг фаолиятини тўхтатишга қарор қилган.