Ар-Риёд Россия активларини ҳимоя қилдими?

Саудия Арабистони G7 давлатлари музлатилган Россия активларининг қарийб 300 миллиард долларини мусодара қилса, Европадаги қарзининг бир қисмини сотиши мумкинлигига ишора қилди, деб хабар беради Bloomberg.

Нашр манбаларининг қайд этишича: «Катта еттилик» давлатлари дастлаб Бельгия ва АҚШдаги депозитарийларда сақланаётган Россия активларини тўлиқ мусодара қилишни режалаштирган. Бироқ Саудия Арабистони кутилмаганда Россияни ҳимоя қилди, деб ёзади агентлик.

✍️ Унга кўра, Қироллик Молия вазирлиги Украинага ёрдам беришга қаратилган мусодарадан норозилигини билдирган. Бундан ташқари, Ар-Риёд, агар Eвропа Иттифоқи мусодара қилишга рози бўлса, Eвропа облигацияларини сотиш билан таҳдид қилди.

Саудия Арабистони эвро ва франтсуз облигацияларига катта миқдорда сармоя киритган. Қарз мажбуриятларини рад этиш қисқа муддатда эвро курсини қулаши мумкин.

Бироқ, Bloomberg мақоласида қайд этилишича, Саудия Арабистони сармоясининг ўзи Европа сиёсатини ўзгартириш учун етарли бўлмаслиги мумкин, аммо бошқа давлатлар Ар-Риёдга эргашса, вазият ўзгариши мумкин.

Bloomberg шунингдек, Ар-Риёдда қимматли қоғозлар бозорини бутунлай беқарорлаштириш учун ҳали ҳам етарлича Европа облигациялари йўқлигини таъкидлайди. Бироқ Европа расмийлари Хитой ёки Қатар каби бошқа давлатлар Ар-Риёд мисолидан илҳом олиб, ўз активларидан воз кечишни бошласа, домино эффекти юзага келиши мумкинлигидан хавотир билдирди. Бундай стсенарий Россияга қарши санкциялар билан мураккаблашган Европанинг иқтисодий муаммоларини янада кучайтириши мумкин.