Бангладешдаги намойиш қайта бошланди: Улар айнан нимадан норози?
Бангладешда қайта бошланган талабалар норозилик намойишларида камида 15 киши жароҳат олди.
Бу ҳақда “Protom Alo” нашри маълум қилди.
Нашрнинг ёзишича, талабалар шу ой бошида мамлакатда ўтказилган норозилик акциялари иштирокчиларини озод қилиш талаби билан яна намойишга чиққан.
Қайд этилишича, Дакка ва Бангладешнинг бошқа ҳудудларида бир нечта акциялар ташкил этилган, бироқ улар кенг кўламли бўлмаган, аммо полиция намойишларни тарқатиш учун таёқлардан фойдаланган ва 20 га яқин одамни ҳибсга олган.
Эслатиб ўтамиз, июль ойи бошида Бангладешнинг турли шаҳарларида 1971 йилдаги Мустақиллик уруши қатнашчиларининг қариндошларига иш ўринлари учун квота қўллаш тизимига қарши норозилик намойишлари бошланган эди. Мамлакатдаги вазият аста-секин кескинлашди, норозилик намойишлари тўқнашувларга айланди, унда 170 дан ортиқ одам ҳалок бўлди.
