Эрон қирғоқларида 700 минг литрдан ортиқ нефть олиб кетаётган танкер қўлга олинди
Эрон Ислом инқилоби қўриқчилари корпуси ҳарбий-денгиз кучлари Форс кўрфазида контрабанда йўли билан 700 минг литрдан ортиқ нефть олиб кетаётган танкерни қўлга олди.
Бу ҳақда SEPAH ахборотига таяниб, “Tasnim” агентлиги хабар бермоқда.
Қайд этилишича, 26 июль куни Того байроғи остида сузиб юрган “Pearl G” танкери қўлга олинган.
Кема бортидаги тўққиз нафар экипаж аъзосининг барчаси Ҳиндистон фуқаролари. Агентликнинг қайд этишича, танкер Дубайда яшовчи Ироқ фуқаросига тегишли.
Матнда хатолик топсангиз, ўша хатони белгилаб, бизга жўнатинг (Ctrl + Enter).
