Россияда миллионер Муса Бажаевнинг ўғли полициячи билан муштлашгани учун ҳибсга олинди
![Россияда миллионер Муса Бажаевнинг ўғли полициячи билан муштлашгани учун ҳибсга олинди Россияда миллионер Муса Бажаевнинг ўғли полициячи билан муштлашгани учун ҳибсга олинди](/photos/news/9jZTmS5q3d988To.jpeg)
Москванинг Замоскворецкий туман суди 29 июл, душанба куни миллионер Муса Бажаевнинг ўғли 23 ёшли Тимур Бажаевни 26 сентябргача тергов изоляторига жўнатди. Бу ҳақда Москва судлари матбуот хизмати хабар берди. Бажаев милиция ходимига нисбатан зўравонлик қўллаганлик иши бўйича (Жиноят кодексининг 318-моддаси 2-қисми) ҳибсга олинган.
Тимур Бажаев 27 июл куни кечқурун қўлга олинган. Тергов маълумотларига кўра, у «Лужники» стадиони яқинида полициячи билан «тўқнаш келган» ва унга нисбатан зўравонлик қилган. Давлат думаси депутати Александр Хинштейннинг таъкидлашича, бу ходим Москва марказий маъмурий округи ички ишлар бошқармаси жамоат тартибини сақлаш бўлими бошлиғи Александр Махонин бўлган.
«РЕН ТВ» телеканали Махониннинг юзида кўкаришлар ва пастки чап кўз қовоғида гематома борлигини маълум қилди.
Чеченистонлик 58 ёшли Муса Бажаев «Группа Альянс» президенти ва «Русская платина» компаниясининг эгасидир. 2021 йилда Forbes журнали Муса Бажаевнинг бойлигини 750 миллион долларга баҳолади.