Хивада ҳайдовчининг 28 та жаримаси учун "Нексия 3" машинаси сотилди
![Хивада ҳайдовчининг 28 та жаримаси учун "Нексия 3" машинаси сотилди Хивада ҳайдовчининг 28 та жаримаси учун "Нексия 3" машинаси сотилди](/photos/news/aUONO4RNBUNM5h2.jpeg)
Мажбурий ижро бюроси Хива шаҳар бўлими томонидан иш юритувидаги ЙҲХБ томонидан қўлланилган маъмурий жарималарни ундириш билан боғлиқ ижро ҳужжатлари ижросини таъминлаш юзасидан бир қатор ишлар олиб борилмоқда.
Хусусан, мунтазам равишда йўл ҳаракати қоидаларини бузиб, огоҳлантиришларга қарамай, қўлланилган жарималарни тўламасдан келаётган ҳуқуқбузарларга нисбатан бўлган ижро ишларига алоҳида эътибор қаратган ҳолда олиб борилган ижро ҳаракатлари давомида, бўлим иш юритувидаги қарздорларга тегишли бўлган автотранспорт воситаларини хатлаш ва уларни реализация қилиш орқали жарималар ундирилиб келинмоқда.
Шу жумладан, бўлим иш юритувидаги қарздор Н.Р. томонидан содир этилган 28 та йўл ҳаракати қоидаларини бузганлиги бўйича қўлланилган жарималарни тўлаш бўйича давлат ижрочиси томонидан қарздор бир неча маротаба огоҳлантирилган бўлишига қарамасдан, жарималар қопланмаганлиги сабабли, давлат ижрочиси томонидан қарздор номида бўлган “NEXIA 3” русумли автомашина хатланиб, 2024 йилнинг 14 июнь куни аукцион савдоларига чиқарилган ва сотувдан тушган маблағ ҳисобига қарздорга нисбатан иш юритувида бўлган 28 та ижро иши бўйича давлат фойдасига 9.702.000 сўм маъмурий жарима ундирилиши таъминланди.