АҚШлик енгилмас боксчи 24 ёшида вафот этди
Aмерикалик профессионал боксчи Трэвелл Мэзион йўл-транспорт ҳодисасида вафот этди. Бу ҳақда TMZ хабар берди.
Мағлубиятсиз спортчи 24 ёшга тўлганди. Автомашинасида кетаётган боксчи Nissan Sentra автомашинасига урилган. Кейин Honda билан тўқнашган. Боксчи воқеа жойида вафот этди. Яна бир жабрланувчи – 61 ёшли Honda ҳайдовчиси олган жароҳатлари натижасида касалхонада жон берди.
Полиция икки кишининг ўлимига сабаб бўлган мазкур фалокатни текширмоқда.
Мэзион ўзининг сўнгги жангини 58 сонияда якунлаганди. У Фернандо Кастанедани 2020 йилнинг январида нокаутга учратди. Профессионал боксда америкалик мағлубиятни билмас эди. Унинг ҳисобида 17 жангда 17 ғалаба бор эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
