АҚШ сенаторлари Путин билан суҳбатларда қатнашган Трампнинг таржимонини сўроқ қилишмоқчи

Демократ сенаторлар Боб Менендес ҳамда Жек Рид АҚШ ҳамда РФ президентлари Дональд Трамп ва Владимир Путин учрашувида иштирок этган таржимонни сўроққа тортиш учун рухсат сўраб Оқ уйга мурожаат билан чиқди.

Сенаторларнинг Оқ уйга мактубида президент Дональд Трамп ёзиб олинган рус лидери билан суҳбарларини доимий равишда сақлаб келиши қайд этилган, деб ёзди ТАСС.

Аввалроқ The Washington Post Трампнинг Путин билан суҳбатлари ёзиб олинган барча манбаларни сир сақлаши ҳамда таржимонларга буни биров билан муҳокама қилмасликларини тайинлаши тўғрисида хабар берган эди. Шундан сўнг АҚШ ҳукумати вакиллари рус лидери билан суҳбатда Трампга ҳамроҳлик қиладиган таржимонларни сўроққа тортишга қарор қилишди.

life.ru