АҚШ Россиядан воз кечмаган Туркияга босим ўтказиш йўлини топди
AҚШ ҳукумати Туркияга F-16 қирувчи самолётларини етказиб бериш қарорини қайта кўриб чиқиши мумкин. Бу ҳақда Сенатнинг халқаро алоқалар қўмитаси раиси Роберт Менендез Aнқара Швеция ва Финляндиянинг НAТОга кириши учун овоз беришни истамаслигини изоҳлар экан, огоҳлантирди.
The Washington Post газетасининг ёзишича, НAТО мониторинг гуруҳи ҳамраиси Том Тиллис AҚШ Туркияга таъсир ўтказиш учун "барча воситалар"га эга эканлигини қўшимча қилди. Бироқ, сенаторнинг сўзларига кўра, Вашингтон “вазиятни бундай ҳолатга келтирмоқчи эмас”.
Эслатиб ўтамиз, аввалроқ Туркия президенти Ражаб Тоййиб Эрдоған Швеция ва Финляндиянинг НAТО аъзолиги бўйича аризалар бўйича музокараларни блоклагани ҳақида хабар берилганди.
Шундан сўнг Давлат департаменти раҳбари Энтони Блинкен Стокголм ва Хелсинкининг алянсга қўшилиши масаласида AҚШ ва Туркия ҳамкорликда иш олиб боришини айтди.
