Американинг CNN телеканали Дональд Трамп ва унинг маъмуриятини судга берди

Америкалик CNN телеканали Дональд Трамп ва унинг маъмуриятини судга берди. Телекомпания , АҚШ президенти билан матбуот конференциясида қатнашиб, президент билан тортишиб қолган журналистга аккредитациянинг қайтарилишини талаб қилмоқда- дея хабар бермоқда "Эхо Москвы".

CNN мухбири Жим Акостанинг аккредитациядан маҳрум қилиниши, АҚШ Конституциясининг сўз эркинлиги тўғрисидаги дастлабки тузатишларини бузиш ҳисобланади, дейилмоқда, телекомпания даъвосида.

Унда қайд этилишича, бу вазият мансабдор шахсларнинг ишларини ёритувчи барча журналистларга салбий таъсир кўрсатиши мумкин. Жавобгарлар орасида Дональд Трамп ва яна беш киши: Оқ уй маъмурияти раҳбари, унинг ўринбосари, президентнинг матбуот котиби, махфий хизмат директори ва журналистни ҳужжатни олиб қўйган агент бор.

Акостанинг Оқ Уйга кириши учун, Конгресснинг оралиқ сайловлари бўйича Трампнинг матбуот анжуманидан кейин тақиқ қўйилган эди. Журналист қатъий равишда президентга қайта-қайта саволларини такрорлаб беришга уринган ва ўз навбатида, микрофонни асситентга бермаган эди. Аввал ҳам CNNни бир неча марта танқид қилган Трамп, жавоб беришдан бош тортган ва мухбирни "қўпол ва ваҳший одам" деб атаган.

Эртаси куни Оқ Уй Акостани нотўғри хатти-ҳаракатлари, шу жумладан, қизга қарши жисмоний куч ишлатганлиги туфайли аккредитациядан маҳрум қилишлари хақида баёнот берилган. Ўз даъвосида CNN журналистнинг, ёрдамчи қизга тегинмагани ва қиздан узр сўраганлигини таъкидлайди.

Оқ Уй, бу даъволардан хабардор эканини айтди. Шунинг у ерда (судда) ўз позициясини ҳимоя қилиш ниятида эканлигини маълум қилишган.

Manba: ufq. uz