Афғонистондаги 20 йил давомида АҚШ мудофаа компанияларига 108 миллиард доллар тўлаган

Watson Institute маълумотларига кўра, 14 та йирик компания ушбу маблағнинг 40 фоизини олган. Fluor Corporation инжиниринг ва қурилиш компанияси катта фарқ билан етакчи бўлиб турибди (13,5 млрд $).

DynCorp International — 8,3 миллиард доллар (ер ва ҳаво ускуналарини ишлатиш ва техник хизмат кўрсатиш, ўқитиш, шу жумладан разведка билан ишлаш бўйича).

KBR, Inc — 3,6 млрд доллар (қурилиш, шу жумладан инфратузилма ва нефт-кимё объектлари бўйича).

Red Star Enterprises — 3,2 миллиард доллар (ёқилғи таъминоти бўйича).

Шу билан бирга, бир қатор бюджет маблағларини олувчилар ҳалигача аниқланмаган.