Аббосбек Файзуллаев: "Орзумдаги клуб "Барселона", аммо "Реал"дан таклиф бўлса..."

ЦСКАнинг ўзбекистонлик ярим ҳимоячиси Аббосбек Файзуллаев "Реал Мадрид"дан таклиф келса, рад этиш-этмаслиги тўғрисида фикр билдирди.

"Реал Мадрид"дан таклиф келса, албатта, рози бўламан, ким ҳам бу жамоага боришни истамайди? "Барселона" эса — орзумдаги жамоа. Болалигимда Гвардиоланинг тики-такасига мухлислик қилганман. Клуб ҳозир инқирозда, аммо бу жараён ўтиб кетади, деб ўйлайман", — деди Файзуллаев.

Эслатиб ўтамиз, Файзуллаев ўтган ёзда "Пахтакор"дан Москва клубига ўтганди. Бу даврда у барча турнирларда 18 та учрашувда қатнашиб, иккита гол урди ва 9 та голли узатмани амалга оширди.