А Серия. Шомуродов илк голини урди. Аммо баҳсда «Женоа» ўз уйида «Парма»га мағлуб бўлди
Италия чемпионатининг 9-туридан ўрин олган сўнгги икки ўйин бўлиб ўтди.
«Женоа» ўз уйида «Парма» билан баҳс юритиб, имкониятни бой берди ва 5 очко билан 19-поғонада қолди. Жервиньонинг дублига генуяликлардан ўзбекистонлик ҳужумчи Элдор Шомуродов бир бор жавоб берди. Бу – Элдорнинг А Сериядаги илк голи.
Маълумот учун, Шомуродов гол урганига қарамай, 69-дақиқада захирага олинди.
Турнинг яна бир баҳсида «Торино» Туринда «Сампдория» билан жанговар дуранг қайд этди.
А Серия, 9-тур, 30 ноябр
Женоа – Парма 1:2
Голлар: Шомуродов (50) – Жервиньо (10, 47).
Женоа – Палеари, Гильоне (Пьяца, 82), Гольданига, Бани, Пеллегрини, Лерагер (Зайц, 69), Бадель (Парижини, 81), Стураро, Сапата, Шомуродов (Пандев, 69), Скамакка.
Парма – Сепе, Бюси (Якопони, 73), Бруну Алвеш, Осорио, Гальоло (Лорини, 19), Куртич, Куцка, Карамо (Грасси, 74), Скоццарелла (Эрнани, 63), Жервиньо, Корнелиус.