Путин илк маротаба Ново-Огарёвода жойлашган қароргоҳидаги дам олиш хонасини кўрсатди

Россия президенти Владимир Путин илк маротаба журналистларга Ново-Огарёвода жойлашган қароргоҳидаги хонасини кўрсатди.

Бу ҳақда “Москва. Кремл. Путин” дастури давомида  "Россия 1" эфирида маълум қилинди.

Кадрларда хонанинг оч рангларда тайёрланганлиги кўрсатилган.

Бундан ташқари, хонадан диван, иккита кресло, телевизор ва кичик стол ҳам ўрин олган. Ушбу хонада Президент билан суҳбат ҳам бўлиб ўтган.

Журналистлар билан суҳбат чоғида давлат раҳбари тан олинмаган Тоғли Қорабоғдаги можарони тўхтатиш тўғрисидаги битимни имзолаш жараёни ҳақида гапириб берган.