«Ўзбекнефтгаз» Аи-92 бензини нархини яна арзонлаштирди
![«Ўзбекнефтгаз» Аи-92 бензини нархини яна арзонлаштирди «Ўзбекнефтгаз» Аи-92 бензини нархини яна арзонлаштирди](/photos/news/MVsHdgsCg1dF6z1.jpeg)
«Ўзбекнефтгаз» 29 апрелдан бошлаб Аи-92 маркадаги бензиннинг нархини 5500 сўм қилиб белгиланишини хабар қилди.
«Ўзбекнефтгаз» АЖнинг UNG миллий бренди остидаги ёқилғи қуйиш шохобчалари тармоғида Аи-92 маркали бензин ва Европа стандартларига жавоб берувчи дизель ёқилғиси сотувини йўлга қўйган. 2020 йилнинг 1 мартидан бошлаб, ушбу АЁҚШлардаги дизель ёқилғисининг нархи 500 сўмга арзонлаштирилган. 2020 йилнинг 26 мартидан эътиборан, Аи-92 маркали бензиннинг нархи 6200 сўмдан 6000 сўмга пасайтирилганди.
Истеъмолчиларнинг манфаатларини инобатга олган ҳолда, шунингдек, биржа савдоларида бензин сотиб олиш харажатлари камайгани муносабати билан нефть маҳсулотларининг сотиш нархлари босқичма-босқич камайтириб борилади, дейилади «Ўзбекнефтгаз» АЖ матбуот хизматининг хабарида.