Zelenskiy o‘zining g‘alabali rejasini oshkor qildi

Ukraina prezidenti Vladimir Zelenskiy Ukraina Kursk viloyatidagi bosib olingan hududlarni «cheksiz» ushlab turishni rejalashtirayotganini, chunki bu hududlar uning «g‘alaba rejasi»ning ajralmas qismi ekanligini aytdi.

Bu haqda Ukraina prezidenti NBC News telekanali bilan suhbat chog‘ida aytib o‘tdi. Unga ko‘ra, Kiyev Vladimir Putinni muzokara stoliga o‘tirishga urinish uchun avgust oyida bosib olingan Rossiya hududlarini noma’lum muddatga ushlab turishni rejalashtirmoqda. U buni rossiyalik harbiy xizmatchilarning qo‘lga olinishi bilan qiyosladi, bu esa Ukraina Qurolli kuchlari jangchilarini Ukrainaga qaytarish imkonini beradi. Xuddi shu tamoyil Kursk viloyatidagi hududlarga ham tegishli.

«Bizga ularning yerlari kerak emas. Biz u yerga o‘zimizning ukraincha turmush tarzimizni olib kelmoqchi emasmiz», — dedi u.

Shuningdek, u bu rejani AQSh kabi xalqaro hamkorlarga taqdim etishini aytdi. Biroq, u Ukraina Rossiyaning yana ham ko‘proq hududini egallab olishga harakat qilmoqchimi yoki yo‘qligini muhokama qilishdan bosh tortdi. «Men so‘zlamayman, kechirasiz, bu haqda gapira olmayman. Bu Kursk operasiyasining boshlanishiga o‘xshaydi. Hurmat bilan, bu haqda gapira olmayman, menimcha, muvaffaqiyat ajablanish effekti bilan bog‘liq», — dedi u. Zelenskiy, shuningdek, Bayden ma’muriyati operasiya haqida bilmaganini va u hatto Ukraina ichida ham sir saqlanishini ta’kidladi.