Yuzdagi o‘zgarishlardan aniqlash mumkin bo‘lgan 7 jiddiy kasallik
Jiddiy kasalliklarning oldini olish uchun organizmda yuz beradigan o‘zgarishlarga befarq bo‘lmaslik, turli belgi va alomatlar kuzatiladigan bo‘lsa, mutaxassisga uchrashni ortga surtmaslik kerak.
Yurak xuruji
Foto: «Domashniy Ochag»
Ko‘z atrofida paydo bo‘ladigan sariq bo‘rtma va shishlar yurak xuruji va yurak qon-tomir kasalliklariga olib kelishi mumkin bo‘lgan xolesterin miqdori ko‘payganidan darak berishi mumkin. Befarq bo‘lmang va kardiolog qabuliga yoziling.
Insult
Foto: «Domashniy Ochag»
Yuzda yaqqol ko‘zga tashlanadigan assimetriya, uning bir qismi va mimikada o‘zgarish kuzatilishi zudlik bilan shifokorga murojaat qilish uchun jiddiy sabab bo‘la oladi. Mazkur belgi asab tizimi hatto infarktdan darak berayotgan bo‘lishi ham mumkin.
Endokrin tizimi kasalliklari
Foto: «Domashniy Ochag»
Yuzda to‘satdan tuklarning ko‘payishi ayollardagi gormonal balans buzilganidan, aksariyat hollarda tuxumdonlar polikistozi sindromidan dalolat qilishi mumkin.
Qandli diabet
Foto: «Domashniy Ochag»
Yuzda to‘satdan paydo bo‘lgan, mayda to‘r shaklidagi ajinlar ushbu jiddiy kasallikka xos belgi bo‘lishi mumkin. Qolaversa, ajinlarning kutilmaganda ko‘payib ketishi qalqonsimon bezning yetarlicha gormon ishlab chiqarilmasligi, ya’ni gipotireozdan ham darak berishi ehtimoli yo‘q emas.
Anemiya
Foto: «Domashniy Ochag»
Yuz rangining odatdagidan oqarib ketishi gemoglabin miqdorini tekshirtirib ko‘rish kerakligini bildiradi. Ushbu simptomning charchoq, holsizlik bilan kuzatilishi sizda anemiya ekanini bildiradi.
Apnoe
Foto: «Domashniy Ochag»
Apnoe kishi uyqu vaqtida 10 soniya va undan ortiq vaqt nafas olmay qo‘yishi bilan namoyon bo‘ladigan jiddiy kasallik. Unda kuchli xurrak otish, tongda charchoqni his qilish va bosh og‘rig‘idan tashqari, bo‘yin hamda iyaklar o‘lchamining o‘zgarishi kuzatilishi mumkin.
Autoimmun kasalliklar
Foto: «Domashniy Ochag»
Yuzda qizil toshmalarning paydo bo‘lishi autoimmun kasalliklar bilan bog‘liq bo‘lishi mumkin. Toshmalarning ko‘p va qichish bilan namoyon bo‘lishi, bu seliakiya (glyutinni ko‘tara olmaslik) kasalligi bilan aloqador bo‘lishi ehtimoli ham yo‘q emas. Yanoqlarda paydo bo‘ladigan kapalak shaklini esga soladigan toshmalar esa volchanka rivojlanayotganidan ogohlantiradi.
