“Крокус Сити Холл”даги терактни амалга оширган тўрт нафар шахс айбини тан олди

Москва вилоятининг Красногорск шаҳрида жойлашган “Крокус Сити Холл” концерт залида содир этилган ва 149 нафар инсоннинг ҳаётига зомин бўлган терактнинг тўрт нафар тўғридан-тўғри ижрочиси ўз айбини тўлиқ тан олди ва қилган ишидан афсусда эканини билдирди.

Бу ҳақда 127 нафар жабрланувчи томонидан вакиллик қилувчи адвокат Людмила Айвар 4 август куни россия давлат ОАВга маълум қилди.

«Айблов хулосаси ўқиб эшиттирилгандан сўнг, терактнинг барча тўғридан-тўғри иштирокчилари ўз айбини тўлиқ тан олди ва қилган ишидан пушаймон эканликларини билдиришди», — деди Айвар.

Бу жиноят бўйича суд жараёнлари давом этмоқда.