Yunusobod tumanida to‘xtatilgan "Captiva"ning haydovchisi qidiruvda bo‘lib chiqdi

2022 yil 21 yanvar kuni soat 15:40 larda, Yunusobod tumani, TXAY ko‘chasida xizmat olib borayotgan YPX xodimlari tomonidan, ushbu ko‘chada harakatlanib kelayotgan "Captiva" rusumli avtomobil to‘xtatildi.

Haydovchi, 1982 yilda tug‘ilgan Z.Z.ning ma’lumotlari planshet moslamasi yordamida, maxsus dastur orqali tekshirilganda, ushbu fuqaro O‘zbekiston Respublikasi Jinoyat Kodeksining 167-moddasi 1-qismida ko‘rsatilgan jinoyatni sodir etganlikda gumonlanib, 2021 yil 3 may kunidan buyon qidiruvdaligi ma’lum bo‘lgan.

Tegishli hujjatlar rasmiylashtirilib, fuqaro Z.Z. tuman IIO FMBga topshirilgan.